Thursday, December 4, 2014

ആദവും ഹവ്വയും ആപ്പിളും


ആദത്തിന്‍റെയും ഹവ്വയുടെയും കഥ കേട്ടപ്പോ ഉണ്ണിക്കൊരു സംശയം
"അമ്മെ, എന്താമ്മേ അച്ഛനും അപ്പൂപ്പനും ഈ പറയുന്ന Adam's Apple ഇല്ലാത്തെ?" ന്ന്.

"അതോ, പറുദീസയില്‍ അവരെ ഇറക്കി വിട്ടപ്പോ അവിടെ ഒറ്റക്കിരുന്ന്‍ ദൈവത്തിനു ബോറടിച്ചു, വീണ്ടും മറ്റൊരാദത്തിനേം ഹവ്വയേയും സൃഷ്ടിച്ചു,
ഒരൂസം ഹവ്വ ഒരാപ്പിളുമായി ആദത്തിന്റെ അടുത്തെത്തി.

'ഹും ഇതോരാപ്പിളാണോ, ആപ്പിളാണത്രെ ആപ്പിള്‍ ?!' ആദമപ്പച്ചന്‍ അതെടുത്തൊരേറ്..
ഹവ്വ അമ്മച്ചി അടുക്കളപ്പുറത്ത് പോയിരുന്നു പ്രാകാനും തുടങ്ങി..
'എന്തോ കൊണ്ട് കൊടുത്താലും അങ്ങേര്‍ക്ക് കുറ്റം പറച്ചിലെ ഉള്ളൂ'

ഈ ബഹളം സഹിക്കാന്‍ വയ്യാണ്ടെ ദൈവം അവരെ ഭൂമിയിലേക്ക് ഇറക്കി വിട്ടു"
പിന്നെ പറുദീസയില്‍ ദൈവം ഒറ്റക്ക് സുഖായി ജീവിച്ചു. 

അങ്ങനെ ആപ്പിള് കഴിക്കാത്ത ആദം അപ്പച്ചന്റെ മക്കളാണ്...."


ന്‍റെ കുട്ടീടെ പൊട്ടിച്ചിരിയില്‍ ഞാനും ചേര്‍ന്നു.