എല്ലാ കുട്ടികളെ പോലെയും ഉണ്ണിക്കുട്ടന് ഉറങ്ങാന് നേരം കഥ വേണം... ഒരു ദിവസം കയ്യിലെ സ്റ്റോക്ക് തീര്ന്നപ്പോള് ഒരു കഥ ഞാന് തന്നെ ഉണ്ടാക്കി... എവിടെ എത്തിക്കണം എന്നൊന്നും മുന്കൂര് തീരുമാനിച്ചിരുന്നില്ല.. വഴിയിലെപ്പോഴെങ്കിലും അവന് ഉറങ്ങും എന്ന പ്രതീക്ഷയില് ഞാന് തുടങ്ങി... കഥയിലെ നായകന് ഉണ്ണിക്കുട്ടന് തന്നെ!
"ഒരിക്കല് ഉണ്ണിക്കുട്ടന് ഒരു നിധി കണ്ടു പിടിക്കാന് പോയി... അതും കപ്പലില്.... സാഹസികമായ ആ യാത്രയില് ഉണ്ണിക്കുട്ടന് പല പ്രതിസന്ധിയും നേരിടേണ്ടി വന്നു.. എത്തിപെട്ടതോ... ഒരു ദ്വീപില്... വലിയ മരങ്ങളും ഹിംസ്ര ജന്തുക്കളുമുള്ള വനത്തിലൂടെ അവന് നടന്നു മുന്നേറിയപ്പോള് അതാ കിടക്കുന്നു തിളങ്ങുന്ന ഒരു കല്ല്.. ഉണ്ണിക്കുട്ടന് കൌതുകത്തോടെ അതിനെ എടുക്കാനാഞ്ഞു ....
അതൊന്നനങ്ങിയോ?
അതൊരു മുട്ടയായിരുന്നു..
ഡ്രാഗണ് മുട്ട!!!
ഉണ്ണിക്കുട്ടന്റെ കണ്ണുകള് വിടര്ന്നു...
"ഉണ്ണി, ഡ്രാഗണ് കുഞ്ഞിനു എന്ത് പേരാ ഇടാ ?",
ഉണ്ണി ഒരു നിമിഷം പോലും ചിന്തിച്ചില്ല...
"മാധവന്"
"മാധവനോ?" ഞാന് ഞെട്ടി....
"ഡ്രാഗണ് മാധവന്... ഹ ഹ ഹ......", എനിക്ക് ചിരി അടക്കാനായില്ല.
ഉണ്ണിയുടെ നിഷ്കളങ്കമായ കണ്ണുകള് എന്നില് തറഞ്ഞിരുന്നു. അമ്മയെന്തേ ചിരിക്കുന്നത് എന്നവന് അതിശയിച്ചിരിക്കണം.
ആ കണ്ണുകളില് പറക്കമുറ്റാത്ത ഡ്രാഗണ് കുഞ്ഞ് എന്നെ തന്നെ നോക്കിയിരുന്നു.
"അങ്ങനെ ഉണ്ണിക്കുട്ടനും ഡ്രാഗണ് കുഞ്ഞും യാത്ര തുടര്ന്നു...."
ഞാന് കഥ തുടര്ന്നു...
ഉണ്ണി ഉറങ്ങി കേട്ടോ... ഇടയ്ക്കു കൈ തടഞ്ഞില്ലേല് കുട്ടന് സങ്കടാവും.. അപ്പൊ ശരി.. ശുഭ രാത്രി..
ReplyDeleteഡ്രാഗൺ മാധവൻ.......
ReplyDelete:D
ReplyDelete